ÆРФÆН

Нæртон куырыхон æмæ зондджын хистæр Уырызмæджы бæх. «Сырдоны кадæг æнусмæ Нарты Уæхтæнæгыл» нын зæгъы: «Дзерассæйы мæрдон гуыбыны Уастырджийы комы тæфæй сæвзæрдис Нарты Сатана, сылгоймаг; бæхы мыггагæй – æфсургъ; куыдзы мыггагæй та – Силæм... Хæмыц æмæ Уырызмæг бацыдысты сæ мад Дзерассæйы зæппадзмæ бæрæггæнæг æмæ Дзерассæйы ингæнæй райстой чызг, байраг æмæ къæбыла æмæ сæ схъомыл кодтой». Байрагæй æмбисонды бæх рауад. Уырызмæджы бæх сси, ном ыл сæвæрдта Æрфæн. Кадджытæм гæсгæ, уый у «зæххон бæхты фыдæл». Ома, дам, бæхты мыггаг зæххыл уымæй равзæрд. Æрфæн Уырызмæгæн балцы у йæ æнцой, зын сахаты – йæ хорз уынаффæгæнæг, тохы – йæ хæстон æмбал. Дзуры адæймаджы æвзагæй, зоны арв æмæ Зæххы 'хсæн хæтæнтæ. Тæхы маргъау дæр. У хъаруджын æмæ фæразон, уадæмдых. Бирæ хæрзты бацыд Уырызмæгæн. Хоны ма йæ Хъулон дæр.

кæс «АРВЫ ДУАР»-Ы СÆРГÆНДТÆ